Orra Bakal Lali

Tembang kinanthi
Methuk eseme rembulan, lan sumiliring angin
Bali angenku marang sawijining wengi
Duk rikala sesandhingan
Lungguh jejer ing plataran
Sineksen sewu lintang payung rembulan
Kandhamu ...... aku wewayang telenging atimu

Aku mung bisa nyawang

wewayanganmu tansah ngreridu.
anarabas madyaning kalbu kang suwung,
kalbu kang nuju kapang marang endahing katresnan..

nalika wewayanganmu alon-alon
anrajang barisaning rasa kang sejatine
mergo aq ora bisa melu nduweni..

senadjan sliramu dudu darbeku
nanging sliramu kasimpen ing ati
tahsah anyoba nglalekna rasa iki
nanging datan bisa ilang saka wewayanganmu

tansah gumantil ing sajroning ati

nganti tumekaning pati

24 Maret 2013

Orra Nyana

nalika semana lakumu sumunar kadya rembulan ing wengi
sarwa padang njingglang kang tinuju
kebah esem lan mongkok ing ati
...ora ana kang gegang ing karya
nalika semana lakumu jejeg nembus langit
nyawang lintang kang kerlap kerlip
Aku kadya tansah kelingan
Samangsa sukmaku isih manjing jroning raga
Nalika dak gegem lathimu ing wayah sore
Nanging.....
Ora suwe kembange ati wus dadi garing
Tugel karanan tanganmu
Musna kabeh pangarep-arep
Adem jroning ati saiki mung dadi dongengan
Ora nyana,,,,,,
Sasuwe iki mung rasa keranta
Yo mung ampas sing ana gegemanku
Hamung getir sing saiki dak rasa
Nang endi bakal dak simpen 
Ijone godhong kang wis dadi klaras.

01 Mei 2012

Cidraku

Angen-angenku gegana ing awang
Ancik-ancik rembulan sumanding kartika
Lam-lamen citranira, kang lagya tebihing jene
Gene mentala, nilar rasa liwung ing nala
Lamun tininggal lunga, medhot talining asih
Tindak cidra.....Ngrujit ati.....Ndodog dada....Ndeder serik ing tyas
Tanpa welas ninggal sih

Cidra iki wis kadhung tandhes pinggeting nala
Kertas putihku kuluban irenging mangsi karana tanganmu
Surasane peteng nora kadulu
Nadyan mung ayang-ayangmu

Latar atiku saiki wis cengkar, ijone ron wus padha aking
Kembange mlathi uga mati, kemleyang ginawa angin

Lapo aku kudu mbelani?
Apa maneh nggondheli
Yen tow saiki trubus...rone wus kinukup liyan
Nadyan rinasa perih sakeng eri
Aku mung bisa andum basuki
Wanci sing keri...kariya rahayu

 

07 Oktober 2012

Sejatining Katresnan

 Katresnan iku geguritaning sejatine urip
 pepadang sajroning pepeteng
 biso digawe nannging ora biso digawe-gawe

  Katresnan iku larang regane ora biso dituku
 lan ditiru sarono bondo dunyo lan rojo brono
 Liyana, jalaran toh-tohane nyowo

 katresnan iku dalan kang tumuju marang bener
 kebak dening roso lan pepadhang
 Lilo lan legowo lair thumusing bathin
 kaya dene gegodhongan kang gogorog saka uwit
 ora ngarep-arep bakal baline
 melu ngrasakake panandhanging liyan

 katresnan iku ora mbedak-mbedakake
 Cendek duwuring pangkat
 asor luhuring drajat
 lan gegebenganing urip kang rinasuk
 anane mung welas lan asih
 suka pitulung marang sapa bae

 katresnan iku pranyata umur tuwo, dudu umur dawa
 URIP TANPO CACAT ING NGARSANING PANGERAN
 SING NGUASANI PATI LAN URIP.

Belenggu Masa Lalu

Pertanyaan demi pertanyaan yang kian berombak..
Kenyataan demi kenyataan yang kian membuat hati ini sebak..
Saat aku menghadapi duri kehidupan sebagai anak wayang,,

Saat...
Kau buat diriku merasa  bosan saat kau bohongi aku..
Kau buat diriku menjadi benci, ketika ketulusanku kau hianati..
Kau Lumpuhkan aku dengan segala sikapmu..
Berharap kepada sang waktu untuk melarutkan kepedihan ini
Untuk Jiwa yang tergadai oleh ego dunia
Untuk cinta yang terhalang oleh kasta..

Kini........
Hanya menunggu...berharap...dan Meyakinkan jiwa ini…
Bahwa akan ada cinta yg indah di masa nanti
Meskipun saat ini aq masih terbelenggu diary masa lalu...